Menu

’t Spook van Kloetenbarg (’t Kon hier wel spoken)

9 januari 2019 - 2 Algemeen dialect
’t Spook van Kloetenbarg (’t Kon hier wel spoken)

Bliedspul in drie bedrieven deur Henk Roede, bewarkt en overzet in algemien dialect deur Ben ten Velde, 4 dames, 4 heren + 1 stem

Zo as alle bewarkings van Ben ten Velde speult ok dit stuk zich weer af in Kloetenbarg. Baron van Freutenbeum hef ‘t familiekasteel arfd van zien overleden moeder. Um alles te kunnen bekostigen is hij ‘n hotel in ‘t kasteel begunt. Jammer genog hef ‘t hotel ‘t leste jaor haost gien gasten had. De Baron hef ‘n plan bedacht um meer bezuukers te trekken. Hij hef in ‘n landelijke kraante verteld dat ter ‘n spook rond dwaolt in ‘t aole kasteel. Hij hef al kontakt had met de Omroep MIX um der ’n tv-srie op te nemen. In dialect want daor holt hij van. Wat is nou spannender dan te overnachten in ‘n kasteel met ‘n echt spook. In Schotland bent ze der jao ok slim wies met.

’t Plan warkt, want ’t hotel is rap vol boekt met mensen die ’t spook wel ies willen zien. Zo komp o.a. ‘t medium Cherrie die trouwens gek is op sherry, langes. Ok komp de (ooit) beroemde filmster Marleen Dieter, met heur assistente Lotte kieken. Marleen wil graog weer in de publiciteit en hoopt dat dat kan deur ‘t spook te ontmoeten.

Toos hef ‘t spookartikel niet lezen, maor hef als verrassing veur heur man Gerrit ‘n reis naor ‘t kasteel boekt. Zij wil rustig heur 12,5 jaorig huwelijk vieren in de mooie omgeving. Maor of heur man der wel zo bliede met is…

En dan komt Joep de fotograaf van de Roddelpraot ok an waaien. Wil hij ’t spook zien, of is e nog wat aans van plan?

De Baron stiet ter gelukkig niet allent veur. Jannes, de trouwe huusknecht, löp, ondanks zien hoge leeftied, nog altied rond in ‘t kasteel. ’t Is allent wel lastig dat de aole baos nog altied niet wil geleuven dat de barones der niet meer is.

’t Kasteel is volboekt, dus de Baron zal wat moeten bedenken um de gasten wat van ’t spook te laoten zien. Of spookt ’t ter echt?

Geef een reactie

Het e-mailadres wordt niet gepubliceerd. Vereiste velden zijn gemarkeerd met *